كيف تدعم مركز محمد رشيد لعلاج الأورام مجانا في الازاريطة الاسكندرية
منقول.....
جماعه اللي من اسكندريه يحاول يروح يعمل اي حاجه ربنا يقدره عليها للاطفال اللي هناك فعلا حالتهم صعبه والبؤس والحزن علي وشهم ..
بمناسبة انتشار حملات التبرعات و الخير الكتير، نفكركم بس بان فيه في اسكندرية مركز لعلاج الاورام بالمجان مركز قديم جدا و امكانياته الماديه شبه "مفيش" وطبعا ميقدرش يعمل اعلان على الفضائيات
ببساطة مركز محمد رشيد بيقدم خدمة طبية مجانية لمرضى السرطان واغلب المترددين عليه من الاقاليم والارياف واحوالهم الماديه شبه معدومه قصاد ارتفاع اسعار ادوية السرطان .
ممكن تتبرع باي حاجه حتى لو بوقتك وتروح تزور الاطفال اللي هناك وتخفف عنهم الدعم النفسي بيفرق جدا معاهم.
لو خايف ان لو اتبرعت بشكل مادي ممكن ما يوصلش لهم ،كل ما عليك انك تزورهم وتشوف نواقص الادويه والاحتياجات بتاعة المركز وساعد باللي تقدر عليه اشتريه وسلمه للدكاترة في المركز هناك وهيتم ختم الادوية دي عشان تتعرف انها تبرعات.
الوضع صعب جدا ماديا وفي اغلب الاوقات الدكاتره اللي شغاله بتستغنى عن راتبها او بتتبرع بجزء منه عشان تساعد الحالات المحجوزه هناك.
المركز بيستقبل اي حاله ومفيش شروط معينة و لا رفض لحالات معينة و علاج كامل بالمجان.
لو قادر تتبرع ماديا فالتبرع بيكون من خلال ا.د. وائل نبيل عبدالسلام، مدير قطاع المستشفيات الجامعية بجامعة الاسكندرية ت/ 034867350
او من خلال ا.د. علاء قنديل رئيس قسم الاورام بكلية الطب جامعة الأسكندرية ت/035232077
او من خلال الاتصال بالمستشفى الميري التابع لها مركز محمد رشيد ت/034861129 لمعرفة طرق التبرع.
"لايوجد حساب بنكي لمركز محمد رشيد للأورام"
مركز محمد رشيد لعلاج الاورام بمحطة الرمل امام مسجد القائد ابراهيم وبريونى لملابس المحجبات على الترام مباشرة.
لو ناوي تزور المركز كلم صحابك وانزل فرح الاطفال اللي هناك، لو هتقدر تتبرع سواء بادوية او بفلوس ياريت متتاخرش لانهم في امس الحاجة للتبرعات دي.
No comments:
Post a Comment