من رسايلكم 💌
السلام عليكم .. كنت عايز احكى تجربتى مع جزارة ال زين فى الاسكندريه سموحه. الى هى مفروض احسن جزارة فى الاسكندريه. فى البدايه حجزت خروفين قبل العيد الكيلو ب٧٠ جنيه. واتفقوا معايا على الذبح والتغليف والتكيس الخروف ب٢٥٠ وده طبعا سعر غالى جدا بس قولت جزارة نظيفه واهلى ميتبهدلوش. .. رحنا بعد صلاة العيد فى الميعاد الى عطوة لينا مواقفين واحد قالى الخرفان مش هنا روحو ابيس زعقت واتخنقت معهم ومفيش فايدة المهم رحت ابيس ومعايا اهلى. واحد واقف بره يقولك روح دور على خروفك بالرقم .. تدخل انت بنفسك تدور على خرفان وسط ٢٠٠ خروف ومحدش فيهم حيسعدك ولما اتكلمت مع الى واقف ازاى الناس الكبيره حتدخل وسط الخرفان يزعق ويقولى مش عجبك خد فلوسك وامشى . طبعا كنت مضطر ادور على الخرفان بنفسى. ساعتين بدور على الخرفان وياعينى على الناس الكبيرة متبهدلة. والستات مش عارفه تتصرف .حولت اساعد على قد ما اققدر ..و ربنا وافقنى بعد ساعتين لقيت الخرفان.. وده طبعا الحمد لله فى ناس ملقتش الاضحيه بتعتها . تفضل انت بنفسك تسحبهم مسافه ١٥٠ متر الى مكان الدبح. وتبتدى المعانه بجد تتعامل مع الجزارين ويكلموك پأقذر طريقه ولازم تدفع اكراميات علشان يدبحو ليك. وتدفع اكراميه علشان يسلخ. واكراميه علشان ينقله ليك لمكان التقطيع.... وهنا بقى لو عطيت اكراميه مش عجبه الجزار يسبلك التقطيع وياخد خروف حد تانى . ولا فى تغليف ولا تكيس ولا نيله يعنى على الخروف الواحد تدفع اكراميه ١٥٠. غير ثمن الدبح الى انت دفعه ٢٥٠ غير المعامله القذرة الى بتتعملها غير طبعا البهدلة والمشوار.والمكان السىء الى حتى مفهوش حنفيه تغسل وشك ولا تنظف هدومك الى اتبهدلت ولا حتى ميه تشرب ولا حمام. ..من الساعه ٩ صباحا حتى ٣ مساءا. ولما دخلت اشتيكت على صفحتهم عملو ليا بلوك.. الخلاصه متتخدعش فى الاعلانات الى بيعملوها .. محدش يتعامل مع جزارة ال زين...شير
تعديل
الصفحه المحترمه بدل ما تعتذر عن الى حصل بتقول ان الكلام ده محصلش وانى لجان الكترونيه. وانا احب اشكر الادمن الى ماسك ليهم الصفحه على نشر البوست وخلانى اعرف اوصل لباقى الناس الى كانت موجوده اليوم ده واكون على اتصال بيهم لان مجرد ما نزل البوست الناس دخلت وقالت ليهم انهم كدابين
وعملت مع الناس اتفاق اننا حننشر البوست فى الشهر مرتين وقبل العيد الكبير الجاى ان شاء حيتم نشرة كل يوم بتمويل
تعديل رقم 2 واحد من الناس الى كانت بتدبح بعتلى الفيديو ده بيوضح ... وانا بشخلل علشان اعدى
No comments:
Post a Comment