عنوان و تليفون و منيو مطعم بلدي جورميه سموحة الاسكندرية

#الاكيلة

#الوليمة

#الفطار #المشاوي #الطواجن

النهارده بننقل لكم بعض من مقالة على مطعم بلدي جورميه على صفحة الأسئلة على فيس بوك 

اثناء رحلتنا بين المطاعم..لقينا نفسنا ف مكان مبهر جدا..❤

Balady Gourmet

مبدئيا المنيو بتاعته متنوعة جدا..

من حاجات بتاعت فطار..طاسات جبنة و فول بأنواع كتير و بيض..

لمشويات..لطواجن..لوجبات..

المنيو فعلا متنوعة جدا..ترضي اذواق كتير..❤

احنا بقى من كل منيو جربنا حاجة وكانت تجربة لذيذة..😍

..........

اول حاجة من منيو #المشاوي خدنا طبق #مشكل

الطبق فيه كفتة وكباب و سدق..😍

الصراحة التلاتة حلوين جدا..طبق مزاج..❤

تتبيلة الكفتة والكباب كانت تحفة..و السدق هما عاملينه طعمه حلو ونظيف..❤

بينزل معاه 3 سلاطات..الطحينة كانت حلوة جدا و مضبوطة..😍

و رز بالقرفة..ده حلو للي بيحبوا تتبيلة الرز بالقرفة..و بطاطس مقلية..❤

من نفس المنيو جربنا #حواوشي جورميه..❤

ده حواوشي معمول بالعيش البلدي بتاعهم..جواه لحمة مفرومة متتبلة وعليها خضرة..كانت حلوة جدا بردو..اللحمة مستوية كويس..العيش طري من برا..

بينزل معاها مخلل وشيبسي..😍

من منيو #الطواجن خدنا #فتة..❤

هنا نقف بتاع ساعة ونص احتراما للفتة ده..

طاجن محترم..فيه عيش ورز و عليها شوربة طعمهم حلووووو اووي..😍

عليها حتت لحمة طرية جدا..من اللي بتدوب ف بقك وانت بتاكلها..❤

بينزل معاها صلصة..بتدي طعم حلو على الفتة..😍

نفس المنيو خدنا #مسقعة باللحمة..❤

ده صدمتني لاني قلت هتطلع عادية..لا والف لا..

كانت حلوة جدا..البتنجان مستوي كويس ومش ممرر..😍

اللحمة المفرومة باينة..الصلصة مضبوطة..وفيها بشاميل و وش جبنة محترم..😍

كل دول مع بعض عملوا طعم حلووو جدا..❤

خدنا من منيو #التحابيش طبق #مشكل_مقبلات..

هو المقبلات كتير..ده طبق بيجمع كله..

سمبوسة لحمة وسمبوسة جبنة و كبيبة و ممبار وشيبسي..

الطبق كان حلو جدا..و يكفي فردين او تلاتة مش صغير..😍

جربنا وجبة #الملوخية

طاجن ملوخية..معاه ربع فرخة محمرة و رز..❤

الرز والفراخ حلوين..

الملوخية كانت حلوة..بس كانت محتاجة ملح زيادة..

و ممكن تاخد الملوخية لوحدها..

من #الطاسات اخدنا #طاسة سدق خلطة..😍

اولا الطاسة كبيرة..فردين او 3 يكفوا فيها..

4 انواع جبنة معاها سدق و طماطم وبصل..طعمها كان حلوووة جدا..😍

العيش طبعا اللي نزل هما اللي خابزينه ❤

..........

#الخدمة ممتازة..

#المكان..حلو جدا..هادي..

#الاسعار حلوة..المنيو ف الكومنتات..

..........

 بلدي جورميه موجود في 33 شارع البرت سموحة..الشارع اللي فيه مترو..